【跨媒體藝術家 邪童 Alan梁二 X Ritsu Exhibition 「梘..」 】
用咗兩年時間嘅籌備，俾機會Ritsu 親自搞一次，佢同我合作嘅展覽。係第一次，但唔會係最後一次，因為我哋兩個 仲做緊 好多新嘅作品。
兩年前，因為小丁嘅關係我認識到 Ritsu，就由嗰陣時開始，我地兩個就創作好多唔同嘅「𨳊𨳍·情色·FASHION」系嘅作品。一直以來，都有好多人叫我哋兩個做展覽，終於 今次扚起心肝 做出嚟。
認識我嘅朋友，又或者鍾意睇我創作嘅人，都好鍾意聽我講故事。啱啱完成我嘅“SemiTransparenese - CITY & LOVE"「半透明人間《愛與城》」嘩咁快就嚟到「梘..」 。
「梘..」 讀音 簡、揀；希望大家 做人做事 可以有得 揀 同埋 簡單啲！ 當然 主題通常都俾我搞到好複雜，哈哈！
梘 又 等於 筧 意思上 就係引水用嘅竹管，作為「中間人/擺渡人」嘅我，幫人 聯繫起嚟，確實係一件好重要嘅事。「水到渠成」字面字底，唔同嘅人 就會睇到唔同嘅嘢；情色系 朋友 又會睇到啲乜呢？
「梘..」 其實係 我同 Ritsu 一直以來嘅「創作·溝通·表達方式」 我哋兩個 做好多唔同嘅藝術品 ，但最想嘅 就係我哋兩個 分享 生活日常 同埋創作靈感；背後嘅最大意義 就係 「相見」 所謂嘅「一期一會」，好多時 我哋兩個傾傾吓計 都會喊起上嚟，之後又會無無聊咁影吓相。
「相見」亦都想大家睇吓「相」「見」吓面，又或者同我哋分享交流一吓。
「梘..」 點解要多兩點，最初 係因為 約大家 兩點見，所以就 加多兩點；後來嗰兩點 其實 就係 我同Ritsu ，由兩點 希望變成線 再 變成面 再變成 立體嘅我們；情色嘅朋友 可能睇到 係 另外嘅兩點；但梘加兩點 喺 文字設計上 亦都想 帶出 「想」字，「想點就點」就係我哋兩個仲有得「揀」⋯⋯你呢？
希望大家 會「揀」嚟同我哋見吓面分享一吓啦！
《Alan梁二 X Ritsu Exhibition「梘..」》
2024年11月23-24日 （2-11pm)
歡迎18歲 以上嘅朋友來臨參觀
2024年11月23-24日 （2-11pm)
歡迎18歲 以上嘅朋友來臨參觀
ART: Ritsu & Alan Leung
PHOTOGRAPHER: Alan Leung
MODEL: Ritsu
SET: Ritsu & S
PHOTOGRAPHER: Alan Leung
MODEL: Ritsu
SET: Ritsu & S